اردو زبان میں حدیث کسا پر کئی کتابیں لکھی اور شائع کی گئی ہیں جن میں علامہ سید علی افضال زیدی صاحب کی شرح حدیث کسا سر فہرست ہے۔
بے شک یہ تمام کتب علمی اعتبار سے اپنا مقام رکھتی ہیں مگر یہ مختصر ہیں اور ان میں رجالی و کلامی تحقیقات شامل نہیں کی گئی جو کہ دور حاضر کی اہم ضرورت ہے.
کتاب ھذا استاد فیض اللہ ویسی کی شہرہ آفاق فارسی کتاب ‘الانوار السماويه في شرح حديث الشريف الكساء’ کا اردو ترجمہ ہے جس کے ترجمے کی سعادت سید فواد حسین شاہ کاظمی از قم المقدس کے حصے میں آئی ہے۔
ادارے کی ہمیشہ یہی کوشش رہی ہے کہ جن موضوعات پر بھی کام کیا جائے ان میں بہترین کتب کا انتخاب ہو اور ان کے معیاری اور تحریف سے پاک تراجم قارئین تک پہنچایے جانیں۔ جہاں احادیث نقل ہوں ان کے عربی متن مع اعراب و استخراج شامل کئے جائیں تو ہم نے کتاب ھذا میں بھی اپنے اس اصول کو ملحوظ خاطر رکھا ہے۔
اسی کے ساتھ ساتھ کتاب ھذا میں حدیث کسا کی سائنسی تشریحات بھی شامل کی گئی ہیں جو اس کتاب اس نوعیت کی ہر کتاب سے منفرد بناتی ہے۔
قارئین سے گزارش ہے اس کتاب کا مطالعہ کرتے وقت ہمارے حق میں مسلسل دعا فرماتے رہے 🤲
🤲 دعا ہے بارگاہ حضرت حجت عجل اللہ تعالی فرجہ شریف میں کہ ہمیں ہمارے مقصد ترویج علوم اہلبیت علیہم السلام میں کامیاب فرمائیں
