Qasas Ul Quran | قصص القرآن

Description

Qasas Ul Quran | قصص القرآن

 قرآن مجید ایک تاریخی کتاب ہے، نہ گزشتہ لوگوں کی سوانح حیات کا مجموعہ، یہ نہ علوم طبیعی نصاب ہے اور نہ زمین و آسمان کے اسرار و رموز کو بیان کرنے کی کتاب ہے بلکہ وہ “کتاب   ہدایت” ہے۔

ہاں ! قرآن کریم میں چونکہ گزشتہ لوگوں خصوصاً انبیائے کرام ع اور اقوام و ملل کے عبرت ناک واقعات بیان ہوئے ہیں جن میں سے بہت سے لوگ زمین کے ایک عظیم حصہ پر حکومت کرتے تھے، اور اب ان کا نام و نشان تک نہیں رہا، اور کائنات کے پر اسرار مخلوقات میں توحید خدا اور معرفت اللہ کے بہترین درس چھپے ہوئے ہیں لہذا قرآن کریم نے اپنے مخصوص انداز میں انہیں بیان کیا ہے اور انسانی ہدایت کے لئے مؤثر اور کامیاب نمونے بیان کئے ہیں۔ قابل توجہ بات یہ ہے کہ ان نکات کو بیان کرتے ہوئے قرآنی آیات کا لب و لہجہ اس انداز کا ہے جس سے نہ صرف یہ کہ ان واقعات کی تازگی ختم نہیں ہوتی بلکہ مرور زمان کے باوجود اس کے معنی و مفاہیم میں تروتازگی اور سبق آموزی پیدا ہوجاتی ہے، اس طرح ہرپیر و جوان اور عوام الناس و دانشور اپنے لحاظ سے اس نور ہدایت سے فیضیاب ہوتے ہیں۔ یہ صرف ایک دعویٰ ہی نہیں ہے بلکہ آپ حضرات بھی قرآن سے نزدیک ہو سکتے ہیں، اور اس حقیقت کا تجربہ کر سکتے ہیں، اس کا ایک واضح نمونہ کتاب ہذا “قصص القرآن” ہے، جس میں انبیاء علیہ السلام کے واقعات گزشتہ اقوام عمل کی داستانیں جو حجۃ الاسلام عالی جناب سید حسین حسینی نے “تفسیر نمونہ” سے انتخاب کی ہیں، اور کافی زحمت کر کے اپنے بہترین سلیقہ کو بروئے کار لائے ہیں، جس سے ہر پڑھنے والے کو ہدایت و روشنی ملتی ہے اور اس کی زندگی کو ” سعادت و فلاح و بہبودی” کا راستہ دکھاتی ہے۔

👈 آخر میں ہم مولانا موصوف کی زحمتوں کی قدر دانی کرتے ہوئے ان کے شکر گزار ہیں اور سبھی کو کتاب ہذا کے مطالعہ کی سفارش کرتے ہیں خداوند عالم موصوف کی اس کاوش اور ہم سب کی جد و جہد کو قبول فرمائے۔
( ناصر مکارم شیرازی)
(حوز و علمیه قم )
(ذی الحجہ 1421ھ )

کتاب کا نام: قصص القرآن

✒️ مصنف: حضرت آیت اللہ ناصر مکارم شیرازی مدظلہ العالی
✒️ ترجمہ: اقبال حیدر حیدری